Rusiya prezidenti Vladimir Putin bildirib ki, Rusiya Federasiyası ilə Çin arasında münasibətlər əvvəllər belə yüksəklik və keyfiyyətə çatmayıb.

Oxu24.com xəbər  verir  ki,bu barədə RİA Novosti məlumat yayıb.

“Dövlətlərimizin tarixində heç vaxt belə yüksəkliklərə, keyfiyyətlərə çatmamışıq. Mən dövlətlərimiz arasında yaranmış etimadın səviyyəsini nəzərdə tuturam”, - Putin bildirib.

Bundan əvvəl Putin Çin Xalq Respublikasının Mərkəzi Hərbi Şurasının sədr müavini Çjan Yuşiu ilə görüşdə Moskva ilə Pekin arasında hərbi-texniki sahədə əlaqələrin yeni səviyyəyə qalxdığını bildirib.

Prezidentin qeyd etdiyi kimi, Rusiya ilə Çin arasında hərbi və hərbi-texniki sahədə təmaslar getdikcə əhəmiyyət kəsb edir.

O, hərbi-texniki sahədə ölkələrin kosmik sektorda gördüyü işlərin birinci yerdə olduğunu vurğulayıb.

Putinin sözlərinə görə, “yüksək orbitli qruplaşmalar” və perspektivli müasir silah növləri Rusiya və Çin Xalq Respublikasının təhlükəsizliyini təmin edəcək.

Noyabrın 8-də Rusiya prezidenti bildirib ki, Rusiya və Çin ABŞ-ın Asiyada yeni hərbi-siyasi bloklar yaratmaq cəhdlərinə sakit reaksiya verir. O, Rusiya Federasiyası və Çinin birgə hərbi dəniz və hava təlimləri də daxil olmaqla müdafiə qabiliyyətini gücləndirdiyini vurğulayıb.

Bundan əvvəl ABŞ dövlət katibi bildirib ki, Rusiya və Çin hazırda planetdə “dünya nizamı üçün ən kəskin təhlükədir”.

Müəllif:Afət