Papua Yeni Qvineya sahillərində zəlzələ baş verib.

Oxu24.com xəbər  verir  ki, bu barədə TASS Avropa-Aralıq dənizi Seysmoloji Mərkəzinin məlumatlarına istinadən məlumat yayıb.

Seysmoloqların məlumatına görə, zəlzələnin episentri təxminən 8 min nəfər əhalisi olan Rabaul şəhərindən 113 km şimal-qərbdə yerləşib. Yeraltı təkanların mənbəyi 10 km dərinlikdə olub. Zəlzələnin gücü 5,9 bal olub.

Dağıntı və tələfatla bağlı rəsmi məlumat verilməyib. Həmçinin yerli hakimiyyət sunami təhlükəsi elan etməyib.

Bundan əvvəl İndoneziyada 5,5 bal gücündə zəlzələ qeydə alınmışdı. Ölkə Papua Yeni Qvineya ilə eyni bölgədədir. Təbii fəlakətin episentri 430 mindən çox insanın yaşadığı Kupanq şəhərindən 65 kilometr şimal-şərqdə, mənbəyi isə 30 km dərinlikdə yerləşib.

Bu halda, həmçinin dağıntı, tələfat və sunami olmayıb.

İslandiya daha əvvəl vulkan püskürməsi qorxusuna görə fövqəladə vəziyyət elan etmişdi.

Müəllif:Nigar