Rusiya Müdafiə Nazirliyi: Rusiya hərbçiləri Ukrayna Silahlı Qüvvələrinin pilotsuz katerlərinin saxlandığı yerləri məhv edib

Oxu24.com xəbər verir ki,Rusiya Müdafiə Nazirliyinin 6 noyabr tarixli gündəlik hesabatına əsasən, son 24 saat ərzində Rusiya hərbçiləri Ukraynaya məxsus pilotsuz katerlərin saxlanma yerlərini məhv edib.

“Rusiya Silahlı Qüvvələrinə məxsus qoşun qruplarının əməliyyat-taktiki və ordu aviasiyası, pilotsuz uçuş aparatları, raket qoşunları və artilleriyası 117 rayonda pilotsuz katerlərin, o cümlədən aviasiya sursatlarının saxlandığı yerləri məhv edib, canlı qüvvə və hərbi texnikaya ziyan vurub”,-deyə  məlumatda bildirilib.

Daha əvvəl rus qoşunları Ukrayna hərbçiləri üçün pilotsuz təyyarələr və pilotsuz katerlərin istehsal edildiyi sexlərə hücum edib.

Onlar Odessa vilayətinin Malodolinskoye kəndi yaxınlığında yerləşirdilər.

Müəllif:Afət