Rusiya prezidenti Vladimir Putin CTBT (Hərtərəfli Nüvə Sınaqlarının Qadağası Müqaviləsi) ratifikasiyasının ləğvi qərarından əvvəl ABŞ ilə əlaqələri planlaşdırmır.

Oxu24.com xəbər verir  ki,bunu TASS-a açıqlamasında Rusiya liderinin mətbuat katibi Dmitri Peskov deyib.

O, Rusiyanın CTBT-nin ratifikasiyasını geri götürməsi haqqında qanunun imzalanması məsələsi ilə bağlı qərar qəbul etməzdən əvvəl Rusiya prezidentinin amerikalılarla təmas planlarının olub-olmaması sualına  cavab verib.

Xatırladaq ki, oktyabrın 18-də ABŞ Nevada ştatındakı poliqonda nüvə sınaqları keçirib.

Bu, Rusiya Dövlət Dumasının Nüvə Sınaqlarının Hərtərəfli Qadağası haqqında Müqavilənin ratifikasiyasını ləğv edən qanunu qəbul etdiyi gün edilib.

Qanun layihəsini 438 deputat imzalayıb. Federasiya Şurası sənədə oktyabrın 25-də baxacaq.

Qeyd edək ki, saziş 1996-cı ilin sentyabrında yaradılıb. Onu 186 ölkə imzalayıb və onlardan 178-i ratifikasiya edib. Rusiya bunu 2000-ci ildə etdi. CTBT-ni imzalayan ABŞ isə hələ də sənədi ratifikasiya etməyib.

Oktyabrın 5-də Rusiya prezidenti Vladimir Putin xəbərdarlıq edib ki, Moskva ABŞ-a qarşı güzgü kimi davrana və müqavilənin ratifikasiyasını geri götürə bilər.

Müəllif:Nigar