Rusiya Təhlükəsizlik Şurasının katibi Nikolay Patruşev bildirib ki, Qərb ölkələrinin sanksiyaları yanacaq-energetika kompleksi üçün avadanlıq və texnologiyalar sahələrinə təsir edib.

Oxu24.com xəbər  verir  ki,Bu barədə “İnterfaks” açıqlama yayıb.

Onun sözlərinə görə, sanksiyalar təyyarə sənayesi üçün avadanlıq sahəsinə də təsir edib.

"İlk növbədə, elektron komponent bazası, yüksək texnologiyalı maşınqayırma, təyyarə istehsalı, gəmiqayırma, yanacaq-energetika kompleksi üçün avadanlıq və texnologiyalar hücuma məruz qalıb", - Patruşev bildirib.

Daha əvvəl Patruşev bildirib ki, ABŞ siyasəti Yaxın Şərqdə münaqişəni təhrik edib və gərginləşdirib. Onun sözlərinə görə, ABŞ İsrail və Fələstin arasında münaqişənin həllinə kömək etmək əvəzinə, bölgəyə silah-sursat verməklə və öz aviadaşıyıcılarını göndərməklə vəziyyəti daha da gərginləşdirir.

Bundan əvvəl ABŞ prezidentinin milli təhlükəsizlik üzrə köməkçisi Ceyk Sallivan bildirmişdi ki, Birləşmiş Ştatlar İsrailə silahların müharibə qanunlarına uyğun istifadə edilməsi tələbi ilə ötürür.

Müəllif:Afət