Rusiya Federasiyasının prezidenti Vladimir Putin Mahaçqala hava limanında baş verən hadisələrdən sonra geniş iclas keçirir.

Oxu24.com xəbər verir  ki,bu barədə “Rossiya 24” telekanalı məlumat yayıb.

Tədbir Moskva vilayətində baş verir və bunun üçün şəxsi format seçilib.

Efirdə dövlət başçısının açılış nitqi göstərilir. Müzakirənin bağlı qapılar arxasında davam edəcəyi gözlənilir.

Rusiya prezidentinin mətbuat katibi Dmitri Peskov daha əvvəl bildirib ki, bazar ertəsi, oktyabrın 30-da keçiriləcək görüşdə “Qərbin Yaxın Şərqdəki hadisələrdən Rusiya cəmiyyətini parçalamaq üçün istifadə etmək cəhdləri müzakirə olunacaq.

Oktyabrın 29-da Yaxın Şərqdə vəziyyətin pisləşməsi fonunda Tel-Əvivdən Dağıstana gələn müntəzəm reyslə əlaqədar Mahaçqala hava limanında kütləvi iğtişaşlar baş verib. Yüzlərlə insan hava limanının binasına və aerodroma daxil olub. Daha sonra hüquq-mühafizə orqanlarının əməkdaşları onları sıxışdırıb çıxara biliblər.

Son məlumatlara görə, insident nəticəsində polis əməkdaşları da daxil olmaqla 20-dən çox insan xəsarət alıb. 60 iğtişaşçı saxlanılıb. Dağıstan hakimiyyəti, eləcə də dini liderlər hadisəni pisləyib və onu kənar təxribatla əlaqələndiriblər. Kreml həmçinin Mahaçqaladakı iğtişaşları “xarici təsir”lə əlaqələndirib.

Müəllif:Nigar