Rusiyanın Özbəkistandakı səfirliyi vətəndaşlıq üçün müraciətlərin qəbulunu müvəqqəti dayandırıb.

Oxu24.com xəbər verir  ki, bu barədə diplomatik nümayəndəliyin Telegram kanalı məlumat yayıb.

“Vətəndaşlıq məsələləri ilə bağlı müraciətlərin qəbulu (vətəndaşlığın olub-olmamasının yoxlanılması ilə bağlı müraciətlər istisna olmaqla) vətəndaşlıq məsələlərinə baxılması qaydası haqqında Əsasnamə qəbul olunanadək dayandırılır”, - deyə məlumatda bildirilir.

Bundan əvvəl daxili işlər naziri Vladimir Kolokoltsev Daxili İşlər Nazirliyinin qeyri-qanuni miqrasiyaya qarşı mübarizəyə həsr olunmuş kollegiya iclasında bildirib ki, miqrantlar Rusiyada qalmaq üçün müxtəlif sxem və üsullardan istifadə edirlər.

Onun sözlərinə görə, əcnəbilər uydurma nikahlara girir, rus dilini bilmək üçün saxta imtahanlar verir, həmçinin təhsil almaq üçün dəvətnamələr çap edirlər.

Müəllif: Miri Məcidli