Rusiyanın Udmurtiya Respublikasının Malopurginski rayonunun kəndlərindən birində donuzlar öz sahibələrini diri-diri yeyiblər.

Virtualaz.org Rusiya İstintaq Komitəsinin Udmurtiya üzrə idarəsinin mətbuat xidmətinin məlumatına istinadən xəbər verir ki, hadisə fevralın 1-də baş verib.

İlkin məlumatlara görə, qadın donuzları yemləmək üçün tövləyə daxil olub. Bu vaxt onda epilepsiya tutması baş verib və qadın yerə yıxılaraq huşunu itirib. Ac donuzlar qadının sifətini, qulaqlarını və çiyinlərini yeyiblər. Hadisənin qurbanı qan itkisindən dünyasını dəyişib.

Səhər tezdən qadını tövlədə əri tapıb. Xəstə olduğundan o, axşam erkəndən yatıbmış və həyat yoldaşından xəbəri olmayıb.

Fakt üzrə araşdırma aparılır. Oxu24.com