İsrailin baş naziri Benyamin Netanyahu bildirib ki, mülki əhali İsrail ordusunun zərbələrindən əziyyət çəkir, lakin terrorçular hədəfə alınır.

Oxu24.com  xəbər  verir  ki,bu barədə TASS məlumat yayıb.

“İsrail terrorçulara qanuni şəkildə hücum edəndə, təəssüf ki, mülki insanlar da əziyyət çəkir”, - Netanyahu bildirib.

Onun sözlərinə görə, HƏMAS bunun üçün günahkardır və qrup bütün mülki itkilərə görə cavab verməlidir. İsrailin baş naziri əlavə edib ki, ölkə ordusu Qəzza zolağında dinc sakinlər arasında itkilərin qarşısını almağa çalışır.

Oktyabrın 7-də Həmas İsrailə bir neçə min raket atdı və Əl-Əqsa Daşqını əməliyyatının başladığını elan etdi. Minlərlə yaraqlı İsrail ərazisinə hücum edərək onlarla hərbi texnikanı və yüzdən çox girovu ələ keçirib. Bu fonda İsrailin baş naziri Netanyahu ölkənin müharibə vəziyyətində olduğunu açıqlayıb.

İsrail Müdafiə Qüvvələrinin cavab əməliyyatı “Dəmir Qılınclar” adlanırdı və məqsədlərindən biri də HƏMAS-ın məhv edilməsi idi. İsrail Hərbi Hava Qüvvələri Qəzza zolağında HƏMAS-ın yüzlərlə hədəfinə zərbələr endirib və İsrailin Milli Təhlükəsizlik Şurası bu zolağa su, ərzaq, mal, elektrik və yanacaq tədarükünü dayandırmağa qərar verib. Oktyabrın 13-də İsrail BMT-yə bildirib ki, Qəzzada quru əməliyyatı başlamazdan əvvəl 1,1 milyon fələstinli 24 saat ərzində Qəzzanın cənubuna təxliyə edilməlidir.

 

Müəllif: Nigar

 

Oxu24.com