Oxu24.com xəbər verir  ki,keçmiş prezident Donald Tramp “Newsweek” jurnalına yazdığı məqalədə Ağ Evin hazırkı rəhbəri Co Baydeni zəiflikdə və səriştəsizlikdə ittiham edib, onun fikrincə, bu, Fələstinin Həmas hərəkatının və İranın güclənməsinə səbəb olub.

Tramp Baydenin atdığı hər addımda ABŞ-ın bütün dünyada düşmənlərini gücləndirdiyini və onlara güvən verdiyini vurğulayıb.

“Bu, xüsusilə də HƏMAS terror qruplaşması və onların qatil sponsoru, İrandakı bədxah rejim üçün doğrudur”,- deyə o bildirib.

Məsələn, Tramp İranla Çinin yaxınlaşmasını, eləcə də İran iqtisadiyyatının güclənməsini qeyd edib. O, Tehranın gündə üç milyon bareldən çox neft hasil etdiyini vurğulayıb. Keçmiş Amerika liderinin fikrincə, ABŞ-ın hazırkı prezidenti yalnız bir şeyi yaxşı bacara bilər: ABŞ-ın hüquq sistemini siyasi rəqiblərinə qarşı səfərbər etmək.

Donald Tramp həmçinin bildirib ki, HƏMAS-ın İsrailə hücumu ABŞ-ın güclü prezidenti olanda dünyanın təhlükəsiz olduğunu göstərdi.

Müəllif:Nigar