BMT Baş Assambleyasının iclasında Rusiya nümayəndə heyətinin müavini Konstantin Vorontsov bildirib ki, Rusiya Federasiyası nüvə sınaqları keçirməyəcək və mövcud vəziyyətə görə məsuliyyət ABŞ-ın üzərinə düşür.

Oxu24.com xəbər verir ki,Bu barədə RİA Novosti məlumat yayıb.

“Hazırda CTBT-nin  ratifikasiyasını ləğv etmək üçün qanun layihəsi hazırlanır.

Bu, ABŞ-la razılaşmaya əsasən statusumuzu balanslaşdırmağa imkan verəcək”, - Vorontsov bildirib.

Onun sözlərinə görə, Rusiyanın ratifikasiyanı geri götürməsi ölkənin nüvə sınaqlarını bərpa etmək niyyətində olması demək deyil.

Bundan əvvəl məlumat verilmişdi ki, Beynəlxalq Əlaqələr Komitəsinin sədri Leonid Slutski Dövlət Dumasına Nüvə Sınaqlarının Hərtərəfli Qadağası haqqında Müqavilənin (CTBT) ratifikasiyasının ləğvi ilə bağlı qanun layihəsinin təqdim edildiyini bildirib.

O, həmçinin qeyd edib ki, Dövlət Dumasının demək olar ki, bütün deputatları onun həmmüəllifləri olub. O, qanun layihəsinin birinci oxunuşunun çərşənbə axşamı, oktyabrın 17-də keçirilməsini təklif edib.

Müəllif:Miri Məcidli