Şəki rayonunda 66 yaşlı kişi bədbəxt hadisə nəticəsində ölüb.

“Oxu24.com”un Şəki-Zaqatala bürosunun məlumatına görə, hadisə bu gün günorta saatlarında Şəki şəhəri, Sabit Rəhman küçəsində yerləşən fərdi yaşayış evlərinin birində qeydə alınıb.

Belə ki, 1953-cü il təvəllüdlü Rafiq Məmməd oğlu Mustafayev yaşadığı evin pilləkənindən yıxılaraq aldığı ağır xəsarətlərdən hadisə yerində ölüb. Meyit müayinə olunmaq üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Şəki rayon şöbəsinə təhvil verilib.

Faktla bağlı araşdırma aparılır. Oxu24.com