İlkin məlumatlara görə, HƏMAS hərəkatının yaraqlılarının İsrailə hücumundan sonra Qəzza zolağında azı bir rusiyalı  girovdur.

Oxu24.com xəbər verir  ki,bunu Rusiyanın Yəhudi dövlətindəki səfirliyinin mətbuat katibi Marina Ryazanova deyib.

“İsrail səlahiyyətli orqanlarından alınan ilkin məlumata görə, İsrail vətəndaşlığı olan ən azı bir Rusiya vətəndaşı Qəzza zolağında Həmas tərəfindən girov götürülənlərin siyahısındadır”, - Ryazanova bildirib.

O əlavə edib ki, Rusiya tərəfi Təl-Əviv Beynəlxalq Hava Limanından uçuşlarla bağlı vəziyyəti də izləyir. Onun sözlərinə görə, bu məsələ ilə bağlı bütün müvafiq məlumatlar, o cümlədən açıq hava yolları ilə bağlı məlumatlar Federal Hava Nəqliyyatı Agentliyinin, Rusiya Xarici İşlər Nazirliyinin və Rusiyanın İsraildəki səfirliyinin onlayn resurslarında dərc olunub.

Bundan əvvəl HƏMAS-ın İsrailə hücumu nəticəsində həlak olan Rusiya vətəndaşlarının sayının 16 nəfərə yüksəldiyi bildirilirdi. Həmçinin İsrail tərəfinin təqdim etdiyi yenilənmiş siyahılarda səkkiz rusiyalı itkin düşmüş kimi qeyd edilib.

"İsrail tərəfinin məlumatına görə, oktyabrın 14-ü saat 13:00-a olan məlumata görə, İsrail vətəndaşlığı olan Rusiya Federasiyasının ölən vətəndaşlarının sayı 16 nəfərə çatıb. Hazırda səfirliyin konsulluq şöbəsi nümayəndə ilə birlikdə Rusiya Daxili İşlər Nazirliyinin İsraildəki nümayəndəsi, mövcud məlumatları yoxlayır və təsdiqləyir. "deyə Marina Ryazanova yekunlaşdırıb.

Müəllif:Nigar