Oxu24.com xəbər  verir ki,Le Parisien Fransanın Arras şəhərində müəllimə hücumla bağlı aparılan istintaq çərçivəsində iki belaruslunun saxlanıldığını yazıb.

İş üzrə ümumilikdə 10 nəfər həbs edilib.

“Arrasda orta məktəbə hücumun səbəbkarı Məhəmməd Moqoçkovdan başqa, ən azı daha altı nəfər polis nəzarətindədir: onun anası, əmisi, bacısı, digər qardaşı, həmçinin belarus əsilli iki naməlum şəxsdir.", deyə  sayt yazıb.

Bundan əvvəl BFMTV, Makronun Arrasdakı məktəbə hücumdan sonra 7 minə qədər əsgərdən istifadə edəcəyini yazmışdı.

Cümə günü, oktyabrın 13-də Pas-de-Kale departamentinin Arras şəhərində 20 yaşlı gənc bıçaqla Qambetta Liseyinin əməkdaşlarına hücum edib. Hücum edən şəxs saxlanılıb. Məlum olub ki, hücum edən şəxs terror aktlarının qarşısını almaq üçün nəzarətdə olan radikal islamçılar siyahısında olub - o, HƏMAS-a simpatiyası ilə yaxalanıb.

Müəllif:Nigar