Rusiyanın  Krasnoyarsk vilayətində müstəntiqlər ictimai yerdə terror aktı hazırladığı iddia edilən 16 yaşlı yeniyetməni həns edib.

Oxu24.com xəbər verir ki,  bu barədə RİA Novosti hüquq-mühafizə orqanlarındakı mənbəyə istinadən məlumat yayıb.

İstintaqın məlumatına görə, gənc oğlan şəhərin Kirovski rayonundakı bazarda terror aktı planlaşdırırmış. Həbsin təfərrüatları barədə məlumat yoxdur.

O, həmçinin terror fəaliyyəti həyata keçirmək üçün təlim keçməkdə şübhəli bilinir. O, partlayıcı qurğuların yığılması ilə bağlı materialları öyrənib.

Yeniyetmə yayın sonunda saxlanılıb. Hazırda o, həbsdədir. Tələbənin istintaq təcridxanasında nə qədər qalacağı barədə məlumat verilmir.

Müəllif:Nigar