İsrail Hərbi Hava Qüvvələrinə məxsus təyyarələr oktyabrın 7-də Fələstinin HƏMAS radikal təşkilatının Qəzza zolağında 120 hədəfinə zərbələr endirib.

Oxu24.com xəbər verir ki, bu barədə İsrail Müdafiə Qüvvələrinin Telegram kanalında məlumat yayılıb.

“IDF qırıcıları Qəzza zolağının Beyt Hanun bölgəsində 120 terrorçu hədəfə zərbələr endirib”, - deyə məlumatda bildirilir.

İsrail ordusunun mətbuat xidmətinin məlumatına görə, zərbələr Qəzza şəhərinin şimalında Həmas yaraqlılarının istifadə etdiyi əməliyyat tunelinə də endirilib.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı. Hücumlara cavab olaraq İsrail Hərbi Hava Qüvvələri Qəzza zolağında HƏMAS-ın 21 hədəfinə zərbələr endirib.