Türkiyənin Daxili İşlər Nazirliyinin rəhbəri Hakan Fidan ABŞ dövlət katibi Antoni Blinkenlə telefon danışığı aparıb, onunla İsrail və Fələstinlə bağlı məsələləri müzakirə edib.

Oxu24.com xəbər verir ki,bu barədə “TRT Haber” telekanalı məlumat yayıb.

Qeyd olunur ki, bu, Fidan və Blinken arasında iki gündə ikinci danışıqlardır.

Daha əvvəl bildirilmişdi ki, Fidan ABŞ dövlət katibi Antoni Blinkenlə telefon danışığı zamanı Vaşinqtonu Suriyadakı kürd qüvvələri ilə əməkdaşlığı dayandırmağa “qətiyyətlə” çağırıb. O, Türkiyənin İraq və Suriyada terrorla mübarizə əməliyyatlarının davam edəcəyini vurğulayıb.

Mənbə onu da qeyd edib ki, söhbət zamanı Fidan və Blinken amerikalı qırıcının Suriya səmasında Türkiyəyə məxsus PUA-nın vurulması ilə bağlı hadisəni müzakirə ediblər. “Münaqişənin aradan qaldırılması mexanizminin terrorçuluğa qarşı mübarizəmizə mane olmamaq üçün effektiv işləməsi barədə razılıq əldə olunub”, - agentliyin həmsöhbəti bildirib.

Müəllif:Nigar