Türkiyənin energetika və təbii sərvətlər naziri Alparslan Bayraktar yaxın illərdə “Qazprom”dan Rusiya qazı üçün “daha ​​münasib qiymətlərə” ümid etdiyini bildirib.

Oxu24.com xəbər verir ki,Jurnalistlər üçün keçirdiyi brifinqdə nazir qeyd edib: “Türkiyə qazının qiyməti yüksəkdir. “Qazprom” etibarlı təchizatçı, Türkiyə isə Rusiya qazının yaxşı və etibarlı istehlakçısı olduğu üçün yaxın illərdə ondan daha münasib qiymətlər gözləyirik. Bununla belə, biz bu məsələnin rəqabət qabiliyyətini nəzərə almalıyıq, ümid edirəm ki, qarşılıqlı anlaşma əldə edə bilərik”.

Bayraktar həmçinin qeyd edib ki, Türkiyə qaz idxalı üçün 38 milyard dollar ödəyib və bu həcmin 40%-i Rusiyaya gedib.

Xatırladaq ki, Reuters bundan əvvəl Türkiyə ilə Rusiya arasında 600 milyon dollarlıq qaz ödənişləri üzrə ödənişlərin 2024-cü ilə qədər təxirə salınmasına dair razılıq əldə edildiyini bildirmişdi.

Müəllif: Nigar