“Bloomberg” xəbər verir ki, Rusiyanın Ukraynada hərbi əməliyyatları başlayandan bəri Qərbin sanksiyalarına məruz qalan rusiyalı iş adamları Avropadan 50 milyard dollardan çox pul çıxarıblar.

Oxu24.com xəbər verir  ki,bu vəsait Rusiyaya və onunla dostluq əlaqələri olan ölkələrə, o cümlədən Qazaxıstan və BƏƏ-yə köçürülüb.

Bloomberg-in məlumatına görə, United Medical Group və MD Medical Group Investments səhmdarları avqust ayında şirkətlərinin hüquqi ünvanlarını Kiprdən Rusiyaya köçürmək qərarına gəldikdən sonra aktivlərin ümumi dəyəri 50 milyard dolları keçib.

Bloomberg həmçinin iddia edir ki, aparıcı rusiyalı iş adamlarına təzyiq təkcə Qərbin sanksiyalarından deyil, həm də Kremldən gəlir və bu, onların aktivlərini Rusiyaya qaytarmağa, xüsusən də ikiqat vergitutma sazişini ləğv etməyə sövq edir.

Müəllif: Miri Məcidli