Ukrayna Qarabağ separatçılarının keçmiş lideri Arayik Arutyunyanı Sülhməramlılar bazasına əlavə edib.

Oxu24.com xəbər verir  ki,məlumat bazasına görə, Arayik Arutyunyan “Ukraynanın suverenliyinə və ərazi bütövlüyünə qəsd etməkdə” ittiham olunur, həmçinin “rus-faşist işğalçılarının və terrorçularının şəriki” və “Rusiya hökumətinin Ukraynaya qarşı cinayətlərində şərik kimi tanınır”

“Putinin bütün aqressiv planlarını və Rusiyanın xarici siyasətinin aqressiv kursunu açıq şəkildə dəstəkləyib...”,-deyə məlumatda vurğulanır.

“Ailə” bölməsində Arutyunyanın hər iki arvadının adı qeyd olunub: rəsmi nikahda olduğu və Xankəndi şəhərində yaşayan Kristin Arutyunyan və qeyri-rəsmi olaraq Yerevanda Liana Adamyan. Orientasiyanın aşağı hissəsindəki “SBU” işarəsindən göründüyü kimi, Arutyunyanın “Sülhməramlı” məlumat bazasına əlavə edilməsinin təşəbbüskarı Ukrayna Təhlükəsizlik Xidmətidir.

Ukraynanın “Sülhməramlı” saytı 2014-cü ildə Ukraynanın şərqində silahlı münaqişə zamanı yaradılmış internet platformasıdır. Sayt müəlliflərinin fikrincə, Ukraynanın milli təhlükəsizliyinə təhdid olan, separatizmdə və ya Ukrayna dövlətçiliyinə qarşı hərəkətlərdə iştirak edən şəxslər haqqında məlumatlar dərc olunur.

Müəllif: Miri Məcidli