Ermnistan Milli Assambleyanın spikeri Alen Simonyan Rusiya Xarici İşlər Nazirliyinin nümayəndəsi Mariya Zaxarovanı “hansısa katib” adlandırıb.

O,  müsahibəsində Zaxarovanın onun bəyanatlarını “zorakılığa bənzər bir şey” adlandırmasına belə cavab verib:

“Mən hansısa departamentin hansısa katibinə cavab vermək fikrində deyiləm, məncə, bu mənim səviyyəm deyil. Bunun üçün Xarici İşlər Nazirliyi var, xarici idarə var, cavab versinlər. Hesab etmirəm ki, mən və dediyiniz qurumun şöbə müdirinin müavini eyni adamıq ki, danışaq”.