Ozon şirkətinin keçmiş baş direktoru Aleksandr Şulqin Avropa Ümumi Yurisdiksiya Məhkəməsinin qərarı ilə sanksiya siyahısından çıxarılan ilk rusiyalı olub.

Oxu24.com “Kommersant” qəzetinə istinadən xəbər verir ki, qərar apellyasiya müddəti bitdikdən sonra qüvvəyə minəcək.

46 yaşlı Şulqin Stavropol diyarındandır. O, Coca-Cola Hellenic-də müxtəlif maliyyə vəzifələrində çalışıb, Rusiyanın bir sıra iri şirkətlərində işləyib, 2017-ci ildən 2022-ci ilə qədər Ozon şirkətinin baş direktoru olub. 11 aprel 2022-ci ildə Şulgin Avropa İttifaqı və Avstraliya tərəfindən top-menecerə tətbiq edilən şəxsi sanksiyalar fonunda vəzifəsini tərk edərək şirkətin direktorlar şurasından istefa verdi.

Müəllif:Nigar