Oxu24.com  TASS-a istinadən xəbər verir ki, Gürcüstan parlamenti faşizm üzərində Qələbə günü tarixinin 9 maydan 8 may tarixinə dəyişdirilməsi təklifini rədd edib.

Təşəbbüs müxalif deputatlar Teona Akubardiya və Armaz Axvlediani tərəfindən irəli sürülüb. Səsvermənin nəticələrinə görə, tələb olunan 76 deputatdan yalnız 20-si dəyişiklikləri dəstəkləyib.

Akubardiya bu təklifi Gürcüstanın bayramı Avropa ilə birlikdə qeyd etmək istəyi ilə əsaslandırıb.

Eyni zamanda, hakim “Gürcü arzusu - Demokratik Gürcüstan” partiyasının deputatları hesab edirlər ki, bu dəyişiklik cəmiyyətin parçalanmasına gətirib çıxara bilər.

Müəllif:Miri Məcidli