Rusiyanın müdafiə naziri Sergey Şoyqu Pxenyana səfəri zamanı Şimali Koreya lideri Kim Çen Inı birgə hərbi təlimlər keçirməyə, artilleriya mərmiləri və raketlərin ticarətini müzakirə etməyə dəvət edib.

Oxu24.com xəbər verir  ki,bu barədə “The Korea Times” Cənubi Koreya Milli Kəşfiyyat Xidmətinin məlumatlarına istinadən xəbər verir.

“Kəşfiyyat hesabatları göstərir ki, Rusiya bu yaxınlarda Şimali Koreyaya artilleriya mərmiləri və raketlərin ticarəti ilə yanaşı, birgə hərbi təlimlər keçirməyi təklif edib. Ehtimal olunur ki, Şimali Koreya Rusiyadan köhnəlmiş hərbi texnikanın təmiri və texnologiyanın ötürülməsini xahiş edib”, - Cənubi Koreya Nümayəndələr Palatasının üzvü Yoo Sanq-Bum bildirib.

Lakin hazırda KXDR-in Rusiyanın bu təklifini qəbul edib-etməməsi barədə məlumat yoxdur. Qeyd etmək lazımdır ki, Şimali Koreya mövcud olduğu bütün tarixində başqa ölkələrlə birgə hərbi manevrlər keçirməyib.

Qeyd edək ki, Sergey Şoyqunun Pxenyana səfəri iyulun sonunda baş tutub və onun məqsədi ABŞ kəşfiyyatının məlumatına görə, silah, o cümlədən artilleriya sursatlarının tədarükü ilə bağlı yeni müqavilələr bağlamaq olub. Bu sövdələşmələr həyata keçirilsə, BMT Təhlükəsizlik Şurasının qətnaməsini poza bilər.

Şimali Koreya 2014-cü ildə Krımın ilhaqından sonra Ukraynadakı hərəkətlərində Rusiyaya dəstək verib və Ukraynanın 4 rayonunun Rusiyaya birləşdirilməsini tanıyan ilk ölkə olub.

Müəllif:Nigar