İraqın baş naziri Məhəmməd Şia əs-Sudani təhlükəsizlik qüvvələrinə əvvəllər komendant saatı tətbiq edilən Kərkükdə iğtişaşçılara qarşı əməliyyata başlamaq barədə göstəriş verib.

Oxu24.com xəbər verir ki,Bu barədə “Anadolu” baş nazirin mətbuat katibinə istinadən xəbər verir.

Onun sözlərinə görə, Kürdüstan Demokrat Partiyasının (KDP) tərəfdarlarının etirazlarının davam etdiyi Kərkükdə komendant saatı əl-Sudaninin təşəbbüsü ilə tətbiq edilib. O, təhlükəsizlik qüvvələrini Kərkükdə asayişi təmin etməyə və iğtişaşçılara qarşı əməliyyat keçirməyə çağırıb, iğtişaşlarda və qanun pozuntularında iştirak edəcək hər kəsin saxlanılması barədə göstəriş verib.

Kərkükdə komendant saatı Kürdüstan Demokrat Partiyasının (KDP) Ərbil-Kərkük yolunun açılmasını tələb edən qruplaşmasının etirazları fonunda baş verib. Etirazçılar partiyanın 2017-ci ilə qədər istifadə etdiyi binanın KDP-yə qaytarılmasını tələb edirlər. Yerli sakinlər, xüsusən də ərəblər və türkmənlər bu qərara qarşı çıxıblar.

Miri Məcidli