Kanadanın Kiyevdəki səfiri Natalka Tsmok bildirib ki, Kanada hökuməti Ukraynada antikorrupsiya layihələrində iştirakını gücləndirmək niyyətindədir.

Oxu24.com xəbər verir ki,bu barədə CBC məlumat yayıb.

Diplomatın sözlərinə görə, Ottava ukraynalı hakim və auditorların hazırlanmasına başlaya bilər.

Tsmok qeyd edib ki, ukraynalılar antikorrupsiya islahatlarını çox vacib hesab edirlər və bilirlər ki, bu, Avropa İttifaqına daxil olmaq üçün şərtlərdən biridir.

Səfir həmçinin qeyd edib ki, Ottava oktyabr ayına qədər Kiyevdəki səfirliyini 22 diplomatla təmin etmək niyyətindədir. Onlar həmçinin qadınları siyasətə və biznesə cəlb etmək, minalardan təmizləmə layihələrini maliyyələşdirəcəklər.

Bundan əvvəl Kanadanın baş naziri Castin Trüdo Ukraynanın uğursuz əks-hücumunun fonunda Kiyevə lazım olan qədər kömək edəcəyinə söz vermişdi.

Avqustun ortalarında Ukrayna Milli Antikorrupsiya Bürosunun direktoru Semyon Krivonos ölkədə müdafiə, gömrük və məhkəmə sistemlərində korrupsiya cinayətlərinin sayının artdığını bəyan edib.

Avqustun 8-də Ukraynanın Korrupsiyaya Qarşı Mübarizə Mərkəzi ictimai təşkilatı bildirib ki, Ukrayna Müdafiə Nazirliyi hələ alınmamış silahların alınması üçün 27 milyard qrivna (730,7 milyon dollar) köçürüb.

Müəllif:Nigar