Rusiyanın xarici işlər naziri Sergey Lavrov BMT Baş Assambleyasının sentyabrın 19-dan 26-dək keçiriləcək ümumi siyasi müzakirələrində çıxış edəcək.

Oxu24.com xəbər verir ki,Bu barədə XİN-in saytında məlumat verilib.

Bundan əlavə, nazirin “BMT Təhlükəsizlik Şurası, BRİKS, KTMT və BMT Nizamnaməsinin Müdafiəsi üzrə Dostlar Qrupu vasitəsilə” bir sıra ikitərəfli görüşləri və tədbirləri planlaşdırılıb.

Vurğulanır ki, Baş Assambleyanın sessiyasında Moskva ölkənin xarici siyasət Konsepsiyasında təsbit olunmuş yanaşmalarını müdafiə etməyə davam edəcək və BMT Nizamnaməsinə əməl etməyə çalışacaq. Həmçinin, Rusiya həmfikirləri ilə birlikdə, Xarici İşlər Nazirliyinin əlavə etdiyi kimi, "əsas beynəlxalq mövzular üzrə bütün təşəbbüsləri irəli sürmək" niyyətindədir.

BMT Baş Assambleyasının 78-ci sessiyası sentyabrın 5-də öz işinə başlayacaq. Rusiya nümayəndə heyətinə xarici işlər naziri Sergey Lavrov başçılıq edəcək. Bundan başqa, onun tərkibinə xarici işlər nazirinin müavini Sergey Verşinin və Federasiya Şurasının Beynəlxalq Komitəsinin rəhbəri Qriqori Karasin də daxil olacaq. Buraya Rusiyanın BMT-dəki daimi nümayəndəsi Vasili Nebenzya və LDPR lideri, Dumanın beynəlxalq məsələlər üzrə komitəsinin rəhbəri Leonid Slutski də daxil olacaq.

Müəllif:Nigar