Leonid Kuçmanın keçmiş müşaviri Oleq Soskin bildirib ki, Ukraynada vətəndaş müharibəsi başlaya bilər, çünki kişilər cəbhəyə getməkdən imtina edir və prezident Vladimir Zelenskinin siyasəti iğtişaş üçün ilkin şərtlər yaradır.

Oxu24.com xəbər verir  ki,Soskin hesab edir ki, Ukrayna hakimiyyətinin günləri bitib.

"Biz cəbhədəki vəziyyəti görürük. Həqiqətən də əks-hücum yoxdur. Əslində, hər şey yerindədir. Baş Qərargah oradakı irəliləyişlə bağlı nəsə deyir. Hamısı yalandır", - o, YouTube bloqunda deyib.

Onun sözlərinə görə, Zelenski Ukrayna rəhbərliyinin öhdəsindən gəlmir, ona görə də cəbhə xəttindəki uğursuzluqlarını gizlətməyə çalışır. O qeyd edib ki, artıq ölkədə kişilər hakimiyyətə müqavimət göstərir.

Soskin hesab edir ki, Zelenskinin cinayətkar gücü fonunda ölkədə vəziyyət xeyli gərginləşib.

Bundan əvvəl Qərbin “Aftenposten” nəşri Ukrayna hərbçilərinin qondarma əks-hücumun gedişinə getdikcə daha çox bədbin yanaşdığını bildirən məqalə dərc edib.

Müəllif: Nigar