Sosial şəbəkə istifadəçiləri qara siyahıya əlavə etmək imkanından imtina edərsə, App X (əvvəllər Twitter) qaydaları pozduğuna görə App Store və Google Play mağazalarından silinə bilər.

Oxu24.com xəbər verir  ki,bundan əvvəl İlon Mask istifadəçilərə digər insanları bloklamağa imkan verən “qara siyahı” funksiyasından imtina etmək planları barədə danışıb.

Bununla belə, bu, bloklama sistemi və uyğun olmayan məzmun və istifadəçilərlə bağlı şikayətlər tələb edən Android və iOS proqram mağazalarının qaydalarını poza bilər.

“Apple” və “Google” mağazalarının qaydaları tətbiq moderatorlarının belə funksiyalara malik olması lazım olduğunu bildirir, halbuki istifadəçilərin özləri üçün oxşar imkanlardan bəhs edilmir.

Sosial şəbəkənin İlon Mask tərəfindən alınmasından sonra xidmətdə xeyli sayda moderator və PR xidmətinin nümayəndələri də daxil olmaqla, irimiqyaslı ixtisarlar yaşanıb ki, bu da sosial şəbəkə tətbiqinin mağazalardan yoxa çıxmasına təsir göstərə bilər.

Maskın sözlərinə görə, istifadəçilər tezliklə X-də digər insanları tamamilə bloklaya bilməyəcəklər. Bunun əvəzinə şəxsi mesajlara giriş məhdudlaşdırılacaq, istifadəçinin profili isə bloklanmış şəxslərə görünəcək. X-nin rəhbəri funksiyanın sosial şəbəkədən tam olaraq nə vaxt yox olacağını açıqlamayıb. O, həmçinin qeyd edib ki, qara siyahının heç bir mənası yoxdur.

Müəllif: Miri Məcidli