Oxu24.com xəbər verir  ki,Ukrayna Silahlı Qüvvələrinin Hərbi Hava Qüvvələrinin komandanı Mikola Oleşçuk bildirib ki, Amerikaya məxsus F-16 qırıcı daha əvvəl Ukrayna hava limanına uçub.

“F-16 pilotları ilə birgə təlimlər keçirdik. Müvafiq olaraq, bizim F-16 təyyarələrini idarə etmək təcrübəmiz var”,-deyə o bildirib.

Onun sözlərinə görə, artıq Ukrayna uçuş-enmə zolaqlarının hazırlanması üzrə işlər aparılır.

Bundan əvvəl Ukraynanın müdafiə naziri Reznikov bildirmişdi ki, ukraynalı pilotlar F-16 döyüş təyyarələrində təlimlərə başlayıblar.

Onun sözlərinə görə, aviasiya koalisiyasına 11 tərəfdaş ölkə qoşulub, Hollandiya və Danimarka isə ukraynalı pilotların, texniklərin və mühəndislərin hazırlanması layihəsində liderdir.

Müəllif: Miri Məcidli