Oxu24.com xəbər verir  ki,Macarıstanın Xarici İşlər və Xarici İqtisadi Əlaqələr naziri Peter Siyarto Facebook sosial şəbəkəsində yayımlanan mətbuat konfransında bildirib ki, 2024-cü ildən sonra tranzit dayandırılarsa, hazırda Rusiyadan Ukrayna vasitəsilə Macarıstana tədarük edilən qazın həcmi “Türk axını”na yönəldilə bilər.

“Macarıstan vaxtında tədbirlər gördü ki, diversifikasiya səyləri təkcə mənbələrə deyil, həm də marşrutlara aid olsun... Axı, mənbələr yoxdursa marşrutlar, marşrutlar yoxdursa, mənbələr nəyə lazımdır? Qaz təchizatı hər ikisini tələb edir. Ona görə də “Türk axını” qaz kəmərinin olması çox vacibdir, çünki onun Macarıstana ötürmə qabiliyyəti 8,5 milyard kubmetrdir və uzunmüddətli müqavilə əsasında Rusiyadan Macarıstana gələn qazın bütün həcmini tam əhatə edə bilər”, - nazir bildirib. .

Qeyd edək ki, Rusiya ilə Ukrayna arasında mövcud tranzit müqavilələrinin müddəti 2024-cü ildə başa çatır.

Bundan əvvəl Szijarto bildirib ki, Budapeşt Rusiyadan mavi yanacağın tədarükünü dayandırmaq fikrində deyil, çünki ölkə Rusiyadan qaynaqlar olmadan özünü qazla təmin edə bilmir.

Müəllif: Miri Məcidli