Rusiya  prokuroru  Britaniya nazirlərinə qarşı sanksiyalar tətbiq edib

Rusiya Beynəlxalq Cinayət Məhkəməsinin  prokuroru Kərim Xana və bir sıra Britaniya nazirlərinə qarşı sanksiyalar tətbiq edib.

 

Oxu24.com xəbər verir  ki, bu barədə Rusiya Xarici İşlər Nazirliyi məlumat yayıb.

 

O cümlədən Böyük Britaniya müdafiə nazirinin müavini Annabel Qoldi və Böyük Britaniyanın mədəniyyət və idman naziri Lüsi Freyzer sanksiyalar “stop siyahısı”na daxil edilib.

 

Ümumilikdə, bu ölkənin təhlükəsizlik işçiləri və jurnalistlər də daxil olmaqla 54 Britaniya vətəndaşına qarşı sanksiyalar tətbiq edilib. Belə ki, BBC, The Guardian və The Daily Telegraph-ın nümayəndələrinə məhdudiyyətlər qoyulur.

Qeyd olunur ki, Rusiya tərəfi cavab tədbiri olaraq bu şəxslərə qarşı sanksiyalar tətbiq edib.

Bu ilin martında BCM Rusiya prezidenti Vladimir Putin və prezidentin uşaq hüquqları üzrə komissarı Mariya Lvova-Belovanın həbsinə order verib. Daha sonra Kremlin rəsmi nümayəndəsi Dmitri Peskov BCM-nin qərarını hüquq baxımından “əhəmiyyətsiz” adlandırıb.

Daha sonra Rusiya Federasiyasının İstintaq Komitəsi BCM-nin prokuroru və üç hakiminə qarşı cinayət işi açıb, onlar da cinayət işi üzrə axtarışa verilib.

Rusiya Beynəlxalq Cinayət Məhkəməsinin üzvü deyil. Bundan əlavə, 2016-cı ildən Rusiya Federasiyası onun işində müşahidəçi qismində iştirakını dayandırıb. Rusiyada Roma Statusu ratifikasiya olunmayıb.

Xarici İşlər Nazirliyinin sözçüsü Mariya Zaxarova qeyd edib ki, “Rusiya BCM ilə əməkdaşlıq etmir və bu qurumdan gələn mümkün həbs “reseptləri” hüquqi baxımdan etibarsız olacaq”.

 

Müəllif:Afət