3 Rusiya sərnişin təyyarəsi pis hava şəraiti və tufan səbəbindən Finlandiya və Estoniyanın hava sərhədlərini keçmək məcburiyyətində qalıb.

Oxu24.com xəbər verir  ki,bu barədə Federal Hava Nəqliyyatı Agentliyinin mətbuat xidməti məlumat yayıb.

“Rusiya”, “Ural Hava Yolları” və “Şimal küləyi” şirkətlərinə məxsus təyyarələrin sərhədləri pozduğu dəqiqləşdirilir.

"Bu dövlətlərin aeronaviqasiya xidmətləri Rusiyanın Vahid Hava Hərəkətini İdarəetmə Sisteminin regional mərkəzi ilə əməkdaşlıq edərək Rusiya təyyarələrinə təhlükəsiz texniki xidmət göstərilməsini təmin edib", - Federal Hava Nəqliyyatı Agentliyi əlavə edib.

Federal Hava Nəqliyyatı Agentliyi fin və estoniyalı həmkarlarına təşəkkür edib, həmçinin təsdiqləyib ki, Rusiya xidmətləri də lazım gələrsə, səmamızda xarici gəmilərin uçuşlarının təhlükəsizliyinin təmin edilməsinə yardım etməyə hazırdır.

Avqustun 14-də oxşar hadisə Türkiyə reysi ilə də baş verib - BBN təyyarəsi fırtınaya düşməmək üçün Ukraynanın bağlı səmalarını keçib.

Müəllif: Miri Məcidli