Türkiyə Cümhuriyyətinin 100 illiyi ilə əlaqədar Praqada Mustafa Kamal Atatürkün abidəsinin ucaldılması ilə bağlı Türkiyə səfirliyinin müraciəti erməni lobbisinin təzyiqi ilə rədd edilib.

Oxu24.com xəbər verir  ki,Ahaber-in məlumatına görə, bu barədə Türkiyənin Çexiyadakı səfiri məlumat verib.

Çexiyanın paytaxtı Praqada cümhuriyyətin 100 illiyi münasibətilə parkda Atatürkün abidəsinin qoyulması ilə bağlı Türkiyə səfirliyinin müraciəti rədd edilib və 1915-ci ildə Osmanlı İmperiyasında baş verən hadisələr bunun səbəbini göstərib. 

Türkiyənin Çexiyadakı səfiri Egemen Bağış Türkiyə səfirliyinin Praqadakı parkda Atatürkün heykəlinin qoyulması tələbinin rədd edilməsi ilə bağlı açıqlama verib. Onun sözlərinə görə, qərar erməni lobbisi, FETÖ və PKK-nın təsiri altında verilib.

Bununla belə, o, əlavə edib ki, bu məsələ ilə bağlı Çexiya rəsmiləri ilə birlikdə iş davam edir və xoş xəbər vəd edib.

Xatırladaq ki, daha əvvəl Disney Plus müasir Türkiyənin qurucu atası Mustafa Kamalın həyatından bəhs edən Atatürk serialını nümayiş etdirməkdən imtina etmək qərarına gəlib. Noyabrın 3-dən etibarən Türkiyənin 100-cü ildönümü serialı bədii filmə çevriləcək və eksklüziv olaraq Türkiyə kinoteatrlarında nümayiş olunacaq. Film Disneyə 8 milyon dollara başa gəlib.

Müəllif: Miri Məcidli