Ağ Evin strateji kommunikasiyalar üzrə koordinatoru Con Kirbi bildirib ki, Amerika hakimiyyəti etiraf edir ki, Ukraynadakı silahlı münaqişə gələn yaya qədər davam edəcək.

Oxu24.com xəbər verir  ki,O, ABŞ prezidenti Co Baydenin Konqresə Kiyev üçün əlavə 24 milyard dollar istəməsini belə şərh edib.

"Biz hesab edirik ki, bu, tələb etmək üçün düzgün məbləğdir. Hazırda Ukraynadakı hərbi əməliyyatların vəziyyətini və gələn ilin birinci rübünə girdiyimiz üçün döyüşlərin davam edəcəyinin son dərəcə aydın ehtimalını nəzərə alaraq, payıza doğru irəliləyirik ", Kirbi brifinqdə bildirib.

Daha əvvəl məlum olub ki, Bayden Ukrayna üçün Konqresdən 24 milyard dollardan çox pul istəyib. Bu məbləğə hərbi ilə yanaşı, iqtisadi və humanitar yardımlar da daxildir. Müqayisə üçün qeyd edək ki, Amerika lideri ABŞ-da təbii fəlakətlərlə mübarizə üçün bunun yarısı qədər - 12 milyard dollar istəyib. Kiyevə bu qədər böyük məbləğin ayrılması bir sıra amerikalı siyasətçilərin narazılığına səbəb olub. Belə ki, konqresmen Marcori Taylor Green bildirib ki, ABŞ belə xərcləri ödəyə bilməz.

Nigar