İslam Dövlətinin Suriyanın şərq səhrasında Bəşər Əsəd ordusuna məxsus avtobusa hücumu nəticəsində azı 23 əsgər həlak olub. Daha 10 nəfər yaralanıb.

Oxu24.com xəbər verir  ki,bu barədə İsrailin 9-cu kanalı ərəb mediasına istinadən yazır.

Məlumata görə, hücum Əl Mayadin şəhərinin girişində törədilib.

Yerli mənbələr bildirirlər ki, İŞİD döyüşçüləri əvvəlcə yol kənarına yerləşdirilmiş partlayıcını işə salıb, daha sonra isə atıcı silahlarla avtobusa atəş açıb.

Rəsmi Dəməşq hələlik bu xəbərləri şərh etməyib.

Ötən bazar ertəsi İŞİD yaraqlıları Suriyanın şimalında hərbi karvana oxşar pusqu təşkil ediblər. Nəticədə 10 əsgər həlak olub.

Müəllif: Miri Məcidli