İslam İnqilabı Keşikçiləri Korpusu (SEPAH) ABŞ-ın İran gəmilərini ələ keçirəcəyi təqdirdə qisas alacağı ilə hədələyib.

Oxu24.com İran İnternational-a istinadən  xəbər verir ki, təhlükə ABŞ-ın Fars körfəzində hərbi güclənməsi ilə bağlı xəbərlər fonunda baş verib.

Mühafizənin sözçüsü Ramazan Şərif çərşənbə axşamı mərasimdə çıxış edərək deyib ki, İranın hərbi gücü ABŞ-a qarşı durmağa imkan verəcək səviyyədədir.

“İran xalqının düşmənləri onun qüdrətini, xüsusən də bütün təhdid və sui-qəsdlərə qarşı durmaq üçün hərbi imkanlarını yaxşı bilirlər. Bir daha xatırladırıq ki, Amerikanın zərərli hərəkətlərinə qarşı İslam Respublikasının cavab tədbirləri olacaq”, - deyə Şərif bildirib.

Mənbə yazır ki, son iki il ərzində Tehran Fars körfəzinin neytral sularında 15-dən çox ticarət gəmisini təqib edib və ya ələ keçirib.

İranın ticarət gəmiçiliyi ilə bağlı təhdidinə cavab olaraq, ABŞ Qırmızı dənizə iki döyüş gəmisi və 3000-dən çox dəniz piyadası yerləşdirib.

Fars körfəzində fəaliyyət göstərən ABŞ-ın Beşinci Donanması dəniz piyadaları və iki gəmi: təyyarələri, helikopterləri və desant gəmilərini daşıya bilən USS Bataan gəmisi və dəniz piyadalarını sahilə endirə bilən USS Carter Hall tərəfindən ciddi şəkildə gücləndirilib.

 Bundan əlavə, Amerika komandanlığı Beşinci Donanmanı bir esmines və F-35 və F-16 təyyarələrindən ibarət ən azı iki eskadrilya, həmçinin A-10 ilə gücləndirməyə hazır olduğunu təsdiqləyib.

Müəllif: Nigar