Avqustun 7-də Belarus Polşa və Litva sərhəddində Qrodno vilayətində 6-cı Əlahiddə Qvardiya Mexanikləşdirilmiş Briqadasının komanda-qərargah təlimlərinə başlayıb.

Oxu24.com xəbər verir ki, bu ölkənin Müdafiə Nazirliyi məlumat yayıb.

Müdafiə Nazirliyi bildirib ki, manevrlər zamanı Belarus hərbçiləri döyüş əməliyyatlarının aparılması zamanı bölmələrə komandanlıq və nəzarət məsələlərini işləməlidirlər.

Təlimlərə hazırlıq zamanı Belarus hərbçiləri pilotsuz uçuş aparatlarından istifadə edib, həmçinin tank və motoatıcı birləşmələrin digər hərbi birləşmələrin bölmələri ilə qarşılıqlı əlaqəsini yoxlayıb.

Müəllif: Miri Məcidli