Avropa liderləri Rusiyada xüsusi rejimli koloniyada 19 il müddətinə azadlıqdan məhrum edilən Aleksey Navalnıya hökm oxunmasını pisləyib.

Oxu24.com xəbər verir ki,Avropa İttifaqının ali nümayəndəsi Josep Borrell açıqlamasında Navalnının işi üzrə məhkəmənin qapalı keçirildiyini və sərt rejimli koloniyada keçirildiyini, siyasətçinin yaxınlarının və dinləyicilərinin iştirakına icazə verilmədiyini bildirib.

Onun bəyanatı Aİ-nin Rusiyadakı rəsmi nümayəndəliyinin saytında dərc olunub.

“Bu, açıq şəkildə göstərir ki, Rusiya hüquq sistemindən Navalnıya qarşı mübarizədə alət kimi istifadə etməkdə davam edir. Bu həm də Rusiya hakimiyyətinin ondan nə qədər qorxduğunu göstərir.

Almaniyanın xarici işlər naziri Annalena Berbok da Aleksey Navalnıya qarşı hökmə münasibət bildirib.

“Aleksey Navalnını daha 19 il həbs edən Rusiya ədalətinin özbaşınalığı sırf ədalətsizlikdir. Putin ən çox həbsxana kamerasından belə müharibəyə, korrupsiyaya qarşı çıxan və demokratiya tərəfdarı olanlardan qorxur. Lakin bu, tənqidçiləri susdurmayacaq”, – Burbock tvitində yazıb.

Fransa Xarici İşlər Nazirliyinin Twitter səhifəsində yazılanlara görə, Navalnının azad edilməsi tələbinə Fransa da qoşulub və ona qarşı açılan işi “məhkəmə təqibi” adlandırıb.

Xarici İşlər Nazirliyinin sözçüsü bildirib ki, hökumət Rusiyanı “cənab Navalnı dərhal və qeyd-şərtsiz azad etməyə və bütün siyasi məhbuslar üçün də eyni şeyi etməyə” çağırır.

“Bu məhkəmə prosesinin ədalətsiz şərtləri, özbaşına əsasları və əsassız nəticəsi cənab Navalnının mühakimə olunmasının və Rusiya hakimiyyətinin lazımi prosesə və qanunun aliliyinə əməl etməməsinin sübutudur”, - bəyanatda deyilir.

Müəllif: Nigar