Vladimir Putin Ukraynada müharibəni 2024-cü ilin sonunda keçiriləcək prezident seçkilərinə qədər uzatmaq niyyətindədir. Putin ümid edir ki, Donald Tramp bu seçkilərdə qalib gələcək - və ya bəlkə də Ukraynaya kömək etməkdə o qədər də fəal olmayacaq başqa bir respublikaçı. Bu, Rusiyanın potensial danışıqlarda mövqeyinin güclənməsinə səbəb olacaq.

Oxu24.com xəbər verir  ki,  bu  barədə  CNN ABŞ administrasiyasındakı dörd mənbəyə istinadən məlumat yayıb.

Putin 2024-cü ildə ABŞ-da keçiriləcək prezident seçkilərini Ukrayna münaqişəsi ilə bağlı planına daxil edir və ümid edir ki, Baydenin gələn il itkisi ABŞ-ın Kiyevə dəstəyini azaldacaq və Rusiyanın danışıqlarda mövqeyini yaxşılaşdıracaq.

Nəşr onu da bildirib ki, Amerika və Avropa rəsmiləri belə bir ssenaridən narahatdırlar.

Adı açıqlanmayan avropalı diplomat CNN-ə deyib ki, Ukraynada müharibəni ABŞ seçkilərindən sonra gözləmək “Putinin planıdır”.

Xatırladaq ki, Donald Tramp ona qarşı yeni cinayət ittihamları irəli sürülməsinə baxmayaraq, 2024-cü il prezident seçkilərində Respublikaçılar Partiyasının favoritidir.

Onun partiyadakı rəqibi, Nyu-Cersi ştatının keçmiş qubernatoru Kris Kristi bu gün Ukraynaya səfər edib və deyib ki, ABŞ-ın Ukraynaya yardımı əvvəlki kimi qalmalıdır.

Müəllif: Nigar