Rusiya Xarici İşlər Nazirliyi raket hücumu zamanı Odessadakı Baş Konsulluğa dəyən ziyanla bağlı “Xüsusi hərbi əməliyyatın gedişi ilə bağlı Çinin Moskvadakı səfirliyinə bütün lazımi izahatları verib”.

Oxu24.com xəbər  verir  ki,bu barədə nazirliyin saytında məlumat verilib.

Xarici İşlər Nazirliyinin press-relizində binaya dəymiş ziyanın nədən baş verdiyi göstərilmir, sadəcə izahatların “Çin Odessadakı Baş Konsulluğunun iyulun 20-də dəymiş ziyanla bağlı məlumatla əlaqədar” verildiyi bildirilir.

Cümə axşamı axşam Pekin Rusiyanın Odessaya endirdiyi zərbə zamanı Çin konsulluğunun binasının zədələndiyini təsdiqləyib.

“Partlayış dalğası divar örtüyünün və pəncərə şüşələrinin bir hissəsini silkələyib. Konsulluq əməkdaşları binanı çoxdan tərk ediblər və heç kim xəsarət almayıb”, - deyə departamentin sözçüsü bildirib.

O, Çinin Rusiya ilə bağlı hər hansı demarş edib-etməməsi ilə bağlı suala cavab verməyib və yalnız Pekinin maraqlı tərəflərlə əlaqə saxladığını bildirib.

Tərcümə: Miri Məcidli