“Dəniz balamı məndən aldı. İki qardaş çimirdilər. Birini gətirdim, qayıdanda o birini tapa bilmədim. Şəklini ətrafdakılara göstərdim, dedilər görməmişik”.

Bu sözləri Pirşağı çimərliyində batan 16 yaşlı yeniyetmə Tural Məmmədovun anası Əsmər Həşimova deyib.

Belə ki, Bakı şəhəri, Sabunçu rayonu, Pirşağı qəsəbəsində nəzarətsiz ərazidə dənizə girən Tural anasının gözü önündə batıb. Yeniyetmənin ailəsi dərhal Fövqəladə Hallar Nazirliyinin (FHN) “112” qaynar telefon xəttinə məlumat verib. Səhər saatlarından axtarışlara başlanılıb.