İsrailin baş naziri Benyamin Netanyahu Mərakeş kralı VI Məhəmmədə məktub göndərərək, ölkəsinin “Mərakeşin Qərbi Sahara ərazisi üzərində suverenliyini tanıması” qərarını məlumatlandırıb.

Oxu24.com xəbər verir  ki,bu barədə bazar ertəsi Maghreb Arabe Press xəbər agentliyi məlumat yayıb.

Netanyahu qeyd edib ki, ölkəsinin mövqeyi “İsrail hökumətinin bütün müvafiq aktlarında və sənədlərində öz əksini tapacaq”.

O, qərarın "BMT-yə, İsrailin üzv olduğu regional və beynəlxalq təşkilatlara, eləcə də İsrailin diplomatik əlaqələr saxladığı bütün ölkələrə" çatdırılacağını vurğulayıb.

Kral VI Məhəmmədə məktubunda Netanyahu bildirib ki, İsrail Daxla şəhərində (Atlantik okeanı sahilində Sahara bölgəsində yerləşir) konsulluğun açılmasını müsbət qiymətləndirir.

Tərcümə:Nigar