Rusiya prezidenti Vladimir Putin rublun məzənnəsi ilə bağlı iclas keçirməyi planlaşdırmır, çünki ölkə iqtisadiyyatı yaxşı inkişaf edir.

Oxu24.com xəbər  verir  ki,bu barədə Rusiya Federasiyası Prezidentinin mətbuat katibi Dmitri Peskov brifinq zamanı bildirib.

"Heç bir görüş planlaşdırılmır", - Kreml sözçüsü bildirib.

O, xatırladıb ki, bundan əvvəl Rusiyanın baş naziri Mixail Mişustin Putinə Rusiya iqtisadiyyatının yaxşı vəziyyəti barədə hesabat verib.

"İqtisadi göstəricilər çox yaxşıdır, perspektivlidir və proqnozlaşdırıla biləndən yaxşıdır", - Peskov bildirib.

Görüş zamanı Mişustin elan edib ki, iqtisadi vəziyyət dövlətə ruslar qarşısında bütün sosial öhdəlikləri yerinə yetirməyə imkan verir. Bundan əlavə, o bildirib ki, 2023-cü ilin ilk dörd ayında rusiyalıların real əmək haqqı 4,2% artıb.

Bundan əvvəl Mərkəzi Bankın sədrinin birinci müavini Kseniya Yudayeva məlumat vermişdi ki, rublun zəifləməsinin əsas səbəbi ticarət balansının azalmasıdır.

Mərkəzi Bankın rəhbəri Elvira Nabiullina da xarici ticarətin dinamikasının rublun məzənnəsinə təsir etdiyini bildirib. Eyni zamanda, o, üzən məzənnəni xeyir adlandırıb, çünki bu, xarici amillərin iqtisadiyyata təsirini azaltmağa imkan verir. Mərkəzi Bankın sədr müavini Aleksey Zabotkin isə qeyd edib ki, rublun zəifləməsi ölkədə maliyyə sabitliyinin azalmasına səbəb olmayacaq.

Tərcümə: Nigar