Hollandiyada orta və liseylərdə cib telefonları qadağan ediləcək.

Oxu24.com xəbər verir ki,Hollandiyanın Təhsil, Mədəniyyət və Elm Nazirliyi orta və liseylərdə sinif otaqlarında mobil telefon, planşet və smart saatların qadağan edilməsinə qərar verdiyini açıqlayıb.

Hollandiyada hökumət tərəfindən edilən yazılı açıqlamada nazirliyin təhsil sektorundakı qurumlarla birgə qəbul etdiyi qərara uyğun olaraq orta və liseylərdə sinif otaqlarında cib telefonlarının qadağan ediləcəyi bildirilib.

Açıqlamada, qərarın telefondan istifadənin tələbələrin diqqətini yayındırdığı və öyrənmə bacarıqlarını zəiflətdiyi əsas götürülərək verildiyi, ağıllı saat və planşetlərin də qadağaların əhatə dairəsinə daxil olduğu bildirilib.

Təhsil naziri Robbert Dijkgraaf açıqlamasında, "Telefonlar həyatımızın hər sahəsinə təsir etsə də, sinifdə olmamalıdır. Şagirdlərin diqqətini toplamaq və yaxşı öyrənmək üçün hər cür imkanları olmalıdır. Araşdırmalar cib telefonlarının bunun qarşısını aldığını göstərir. Biz bunu etməliyik.”,-deyə bildirib.

"Artıq TikTok videolarına baxmaq, sinif yoldaşına mesaj yazmaq və ya Snapchat-da snap paylaşmaq yoxdur." 

Tətbiq 2024-cü il yanvarın 1-dən başlayacaq

Açıqlamada telefon qadağası qərarının icrasının məktəb rəhbərliyinə, müəllimlərə, valideynlərə və şagirdlərə həvalə edildiyi bildirilib və telefonun siniflərdə tamamilə qadağan oluna biləcəyi və ya istifadəsinə icazə verilə biləcəyi bildirilib. 

Açıqlamada, 2024-cü il yanvarın 1-dən başlayacaq tətbiqin 2023-2024-cü tədris dövrünün sonunda arzu olunan uğuru əldə etməməsi halında, lazım gələrsə, hüquqi tənzimləmə halına gətirilə biləcəyinə diqqət çəkilib.

Tərcümə: Nigar