Kipr türklərinin mülklərini ələ keçirən Cənubi Kipr Rum Administrasiyası təzminat cəzasına məhkum edilib.

Oxu24.com xarici mediaya istinadən xəbər  verir  ki,Rum administrasiyası Kipr türkü Orhan Hüseyn Dərvişin Limassoldakı mülkündən qeyri-qanuni istifadə etdiyi üçün 345 min avro təzminat ödəyib.

Dərviş 2013-cü ildə Kipr Rum administrasiyasına qarşı iddia qaldırmışdı.

1974-cü il Kipr Sülh Əməliyyatından sonra Rum rəhbərliyi adanın cənubundakı Kipr türklərinin mülklərini ələ keçirdi.

Onlardan biri adanı tərk edərək ABŞ-da yaşamağa başlayan Kipr türkü Orxan Hüseyn Dərviş olub.

Limasol Rayon Məhkəməsində 10 il davam edən məhkəmə çəkişməsi nəticəsində Kipr Rum rəhbərliyi Dərvişin əmlakından qeyri-qanuni istifadə etdiyi üçün 345 min avro təzminat ödəməyə məhkum edilib.

Təzminat əlavə büdcə kimi Kipr Rum Məclisinə təqdim edilib. Dərviş həm əmlakını, həm də təzminatını geri alıb.

Yunan mediası "Kipr türkləri Rum administrasiyasının əl-qolunu bağlayıb" şərhini yazıb.

Kipr türkləri adanın cənub hissəsində təxminən 500 min hektar mülkə sahibdirlər.

Tərcümə:Aynurə Məcidova