Şimali Afrika sahillərindən İspaniyanın Kanar adalarına doğru qeyri-qanuni mühacirləri daşıyan qayığın batması nəticəsində 51 nəfərin öldüyü, 4 nəfərin xilas edildiyi xəstəxanaya aparıldığı açıqlanıb.

Oxu24.com xəbər  verir  ki,Caminando Fronteras (QHT) qeyri-hökumət təşkilatının nümayəndələrindən biri Helena Maleno Twitter hesabında "Kanar adalarına gedərkən batan bir qayıq 51 qeyri-qanuni miqrantın həyatına son qoydu" deyib.

Maleno qayığın Mərakeşin cənubundakı Tan Tan sahilindən yola düşdüyünü və ölən 51 nəfərdən 11-nin qadın və 3-nün uşaq olduğunu bildirib.

İspaniya baş nazirinin müavini və əmək naziri Yolanda Diaz 51 qeyri-qanuni miqrantın ölümünə görə kədərləndiyini və Aİ-nin immiqrasiya siyasətini həyata keçirməsinin vacib olduğunu bildirib.

Tərcümə: Miri Məcidli