Daşkəsən Rayon İcra Hakimiyyətinin başçısı Əhəd Abıyev seldən zərər çəkən sakinlərlə görüşmək üçün əraziyə atla gedib.

OXU24.COM Publika.az-a istinadən xəbər verir ki, buna səbəb sözügedən ərazidə avtomobilin hərəkət edə bilməməsi olub.

Xatırladaq ki, güclü sel suları və ərazidəki çayların məcrasından çıxması rayonun Çovdar, Alaxançallı, Qaraqullar, Təzəkənd, Xoşbulaq, Əmirvar, Quşçu, Bayan, Dəstəfur, Gurbulaq, Tapan, Pirverdilər kəndlərində və Alunitdağ qəsəbəsində yollara, elektrik transformatorlarına, rabitə, qaz xətlərinə, fərdi yaşayış evlərinə, əkin sahələrinə, heyvandarlıq və arıçılıq təsərrüfatlara ciddi ziyan vurub, dağıntılar əmələ gətirib.