Belarus mediasına qarşı qeyri-dost hərəkətlər edən dövlətlərin mediasının ölkədə fəaliyyətinə qadağa qoyulacaq.

Oxu24.com xəbər verir ki, müvafiq qanunu prezident Aleksandr Lukaşenko imzalayıb.

Belarus liderinin mətbuat xidmətinin verdiyi məlumata görə, “KİV haqqında” qanuna dəyişiklik ediləcək.

“Sənəd media sahəsində milli maraqların müdafiəsi mexanizmlərinin təkmilləşdirilməsinə, həmçinin Belarusa qarşı qeyri-dost hərəkətlərə cavab vasitələrinin genişləndirilməsinə yönəlib”, - məlumatda deyilir.

İndi ölkədə KİV-lərin dövlət qeydiyyatı haqqında şəhadətnamələrin ləğv oluna biləcəyi əsasların siyahısı genişləndiriləcək, həmçinin internetdə medianın bloklanması nəzərdə tutulub.

Belarus mediasına məhdudiyyətləri qəbul edən dost olmayan ölkələrə simmetrik əks tədbirlər tətbiq olunacaq.

O, həmçinin televiziya və radio yayımı vasitələrinin məhsullarını yayan sayt sahiblərinin fəaliyyətinə dair tələbləri müəyyən edir.

Bundan əvvəl Belarus prezidenti Aleksandr Lukaşenko hərbi xəritələrdə qeyri-dost ölkələrin qərar qəbul etmə mərkəzlərinin yerlərini təsdiq etdiyini açıqlamışdı.

Tərcümə: Nigar