Polşada rusiyalı xokkeyçi casusluqda şübhəli bilinərək saxlanılıb və həbs edilib.

Oxu24.com xəbər verir ki,  bu  barədə   ölkənin baş prokuroru Zbiqnev Zebro bildirib.

“Rus casusları bir-bir tutulur! Baş Prokurorluq və Milli Təhlükəsizlik Agentliyinin müstəntiqlərinin növbəti uğuru. İdmançı adı altında fəaliyyət göstərən casus tutulub”, - baş prokuror yazıb.

Rusiya vətəndaşı olan idmançı Polşanın birinci liqasında çıxış edib. Həmin şəxs üç ay müddətinə həbs edilib, o, mütəşəkkil cinayətkar qruplaşmada iştirakda və xarici kəşfiyyatın fəaliyyətində ittiham olunub və onu 10 ilədək həbs cəzası gözləyir.

“Gazeta Wyborcza”nın Milli Prokurorluğa istinadən verdiyi məlumata görə, 2021-ci ilin oktyabrından bir neçə voyevodluqda mühüm infrastruktur obyektlərində kəşfiyyat aparan 28 yaşlı Maksim S. saxlanılıb.

Tərcümə:Aynurə Məcidova